BLACK IS THE NEW YELLOW.

Kailan kaya ako magkakaroon ng lakas ng loob para kausapin ka? Bakit sa tuwing susubukan ko ng kamustahin ka pinangungunahan na agad ako ng hiya? Ang dami kong gustong sabihin sayo pero lagi na lang ako natatameme makita pa lang kita. Gustong gusto pa kitang mas makilala pa, makausap at makasama kahit saglit lang. Kailan kaya mangyayari ‘yun? Sa tuwing dadaan ka, napapangiti ako, ‘namumula’ sabi nga nila, hindi ko alam kung bakit. Ano ba talagang meron ka? Madalas ka nilang tawagin kapag nakikita ka nila, nahihiya na nga ako sayo sa ginagawa nila pero iba ka talaga, sobrang bait mo at hinahayaan mo lang sila. Ewan ko ba kung bakit hindi ako makahanap ng kakapalan ng mukha para makipagusap sayo. Hanggang ‘Hi’ na lang ba ako?